كُل

8 فوائد للأكل الغني بالبروتين

هيساعدك تبني عضلات

اكل كمية كافية من البروتين مهم جدا لبناء والحفاظ على كتلة العضلات السليمة وبرده مهمة جدا للحفاظ على الاربطة والاوتار وباقي انسجة الجسم. عشان كده البروتين مهم جدا لكمال الاجسام وبالذات العضلات الصافية من الدهون. لما الاحماض الامينية تقل في جسمك بسبب نظامك الغذائي السيء بيحصل هزلان وضمور للعضلات عشان تقدر تكفي احتياجات جسمك للطاقة

البروتين بصفة عامة مهم جدا وبالأخص بعد التمرين لان اي نشاط بدني زي تدريب الحديد مثلا بيضر انسجة العضلات عمدا عشان يقدروا يصلحوا ويكبروا في المرة اللي بعدها. وعشان ده يحصل بطريقة مضبوطة انت محتاج لنسبة عالية من البروتين لإصلاح الضرر. للعلم ان البروتين لوحده مش هيحسن ادائك الرياضي. لكن الدراسات اثبتت انه اكل البروتين قبل وبعد التمرين هيساعد على زيادة استرداد العضلات لوضعها الطبيعي بسرعة وهيشجع على زيادة حجمها وعلاج طبيعي لالآم العضلات

هيساعدك تتخلص من الوزن الزائد لأنه هيشبعك لفترة اطول

على الرغم من أن بعض الدراسات البحثية تظهر نتائج متضاربة بشأن الوجبات الغذائية عالية البروتين مقابل الوجبات الغذائية منخفضة البروتين للحفاظ على الوزن المثالي أو فقدان الوزن بسرعة، وهناك الكثير من الأدلة على أن البروتين هيساعدك تحس بالشبع لفترة اطول ويمكن يمنع الإفراط في الاكل على شرط ان يكون نمط حياة الشخص رياضية للمساعدة على التخسيس.

السبب في ده ان الاكل الغني بالبروتين بيسبب زيادة الشبع إلى حد أكبر من الكربوهيدرات أو الدهون، وبيساعد على تقليل الافراط في اكل الوجبات الخفيفة. أكل البروتين بيعمل عملية في الجسم المعروف باسم توليد الحرارة، الأمر الذي يتطلب من الجسم أن يفقد المزيد من الطاقة (السعرات الحرارية) عشان يهضم الاكل

هيضبط مستوى السكر في الدم

الأنسولين هو هرمون مطلوب للكربوهيدرات والدهون والبروتين عشان يتهضموا ولكن الكربوهيدرات تحتاج انسولين اكتر من البروتين والدهون. العامل الرئيسي لمستويات السكر في الدم هو استجابة مؤشر نسبة السكر في الدم من الاكل الي بتأكله عشان كده لما تأكل وجبات غنية بالكربوهيدرات والسكر هيرفع مستوي السكر في الدم ولكن لما تأكل بروتين بيحصل العكس.

لما تأكل وجبات فيها بروتين تأثيره على مستويات السكر في الدم بسيط وأحيانا يبطء امتصاص السكر وانت بتاكل. وده معناه اتباع نظام غذائي عالي البوتين يمكن يساعد في منع ارتفاع نسبة الجلوكوز في الدم وده مهم بشكل خاص للوقاية من مرض السكر من النوع 2 وهيضبط مستويات الطاقة وهيحافظ على شهيتك و يحسن مزاجك .

هيحسن مزاجك

بعض الاحماض الامينية مهمة عشان يحصل توازن بين الهرمونات بشكل طبيعي والتحكم في مزاجك وبيقلل احساسك بالقلق. البروتينات بتساعد الناقات العصبية في انها تحفز الهرمونات زي الدوباميين والسيروتونين اللي مسؤولين عن الشعور بالطاقة الايجابية والنشاط.

معظم الناس اللي عندهم نقص في الأحماض الأمينية الرئيسية غالبا بيكون مزاجهم متعكر طول الوقت وبيعانوا من القلق والاكتئاب وده بسبب تقلبات مستوى السكر في الدم.

هيعزز وظائف المخ والقابلية للتعليم

البروتين مطلوب لإنتاج الانزيمات والهرمونات المهمة داخل الناقلات العصبية لوظائف التعلم داخل المخ. المخ بيحتاج معدل ثابت من الاحماض الامينية عشان يحافظ على مستويات الطاقة وقدرته على التركيز. بعض الدراسات اكدت انه لما يحصل نقص في الاحماض الامينية الرئيسية بعض المهارات بتتأثر منها القدرة على التعليم والتنسيق. ولكن اول ما يأخد المخ الاحماض الامينية من خلال نظام غذائي سليم كل وظائف المخ بترجع لطبيعتها.

هيساعد الحفاظ على عظام قوية

فيه كتير من الدراسات بتثبت أن فيه علاقة إيجابية بين اكل وجبات اكتر غنية بالبروتين وصحة العظام. آثار البروتين بتظهر ايضا على العظام من خلال وجبات معينة غنية بالبروتين واكل العناصر الغذائية الهامة لبناء العظام زي الكالسيوم والمغنيسيوم.

بعض الدراسات الحديثة في امريكا على كبار السن اثبتت ان أكبر ضرر في العظام عند كبار السن اللي يأكلوا وجبات البروتين فيها ضعيف من 16-50 جرام بروتين يوميا. ويعتقد انه لما يأكل اي شخص مستوى منخفض من البروتين بيقل انتاج عامل النمو زي الأنسولين واللي بيكون له تأثير سلبي على الكالسيوم والفوسفات في العظام.

هيحافظ على صحة القلب

بعض الدراسات اكدت انه فيه علاقة عكسية بين البروتين وخطر الإصابة بأمراض القلب وعند معظم البالغين فان الوجبات الغذائية الغنية بالبروتين من أفضل العلاجات الطبيعية لارتفاع ضغط الدم. لما تبدل الاكل الغني بالكربوهيدرات بالأكل الغني بالبروتين ده يساعدك تقلل معدل الكولسترول السيء ومستويات الدهون الثلاثية.

من الاسباب اللي تثبت ان النظام الغذائي الغني بالبروتين مفيد للصحة العامة انه يخفض معدلات السكر في الدم وبيساعد في منع الاسباب الثانية المرتبطة بأمراض القلب وزيادة الوزن و مرض السكر.

هيبطء ظهور اعراض الشيخوخة

من اهم الادوار الرئيسية للأكل الغني بالبروتين انه هيساعد الجسم افراز الجلوتاثبون اللي بسموه مضادات الاكسدة الرئيسية. الجلوتاثبون بتخزين جوه الخلايا في جسم الانسان وبيساعدنا في التخلص من السموم والسيطرة على المواد المسرطنة. الدراسات اللي اتعملت على الحيوانات والبشر عامتا اثبتت ان تناول البروتين يقدر انه يحافظ على الجلوتاثبون ويساعد الجسم انه يفضل في حالة توازن.

نقض الجلوتاثبون بيساهم بشكل كبير في الإجهاد التأكسدي اللي بيلعب دور اساسي في الامراض المرتبطة بالعمر زي الزهايمر وباركنسون وامراض الكبد والتليف الكيسي وفقر الدم المنجلي والسرطان والالتهابات الفيروسية.

كل ما كبرت في العمر الجسم يبدأ يفقد قدرته على افراز الاحماض الرئيسية من نفسه وده اللي بيخلي العضلات تقل مع تقدم العمر ويتكون بدالها دهون. وده اللي بيخلي اكل وجبات غنية بالبروتين مهم جدا مش بس لوزن جسم صحي ولكن للحفاظ على الذاكرة.